لو يبور الملا ما احسب حبيبي يبور
وأحسب اني أموت ولا يموت الوفا
وأحسب انه على هاك المودة غيور
ما احسب ان الشعاع اللي بقلبه طفا
كيف يا نور عينى وانت للعين نور
يختفي نور وصلك في ظلام الجفا
اثر قلبك على فرقا الولايف جسور
واثر طرفك اليا سهرت عيوني غفا
وين هاك الونين اللي يشق الصدور
وين هاك الدموع اللي تشق الصفا
كل حي ٍ اليا دارت لياليه يدور
كل قلب اليا عفت جروحه عفا
ويل قلب توالت فوق جرحه كسور
كن جرح الهوى يا صاحبي ماكفا
التمس لك عذر لو كان ما أنت معذور
و ان جحدت الموده بان لك ما خفا
مماراق لي