روابط قد تهمك :
اخبار التعليم | سلم رواتب المعلمين | المناهج التعليمية | مكتبة التحاضير والعروض | اسعار السيارات | حراج السيارات | عروض السيارات


صفحة 2 من 3 الأولىالأولى 123 الأخيرةالأخيرة
النتائج 9 إلى 16 من 24

الموضوع: تخيلوا سجلت في المنتدى عام 2009 ووصلت هنا عام 2019 :)

  1. #9
    تربوي جديد الصورة الرمزية دكتور
    تاريخ التسجيل
    May 2008
    المشاركات
    25
    معدل تقييم المستوى
    0

    رد: تخيلوا سجلت في المنتدى عام 2009 ووصلت هنا عام 2019 :)



    دام جبنا سيرة الفلوس خلوني أقصص عليكم القصص لعلكم تستفيدون
    وأنا صغير كنت أسرق من جيب أبويا فلوس
    المشكلة اني كنت اسرق ريال وريالين
    ويوم شافني وأنا متلبس
    جاني وقللي المحفظة تحت أمرك
    أي وقت تبغى فلوس خذ
    لكن لو تقللي أفضل
    فقلت خليني أجرب
    وأجيه أقله أبغى ريال
    فيمد لي عشرة ريال
    ولمن أقله أبغى عشرة
    يمد لي مئة ريال
    وعلى هذا المنوال
    صارت الفلوس بالنسبة ليا لاتعني شئ
    رغم انها عصب الحياة
    الا انه علمني ان الفلوس وسيلة وليست غاية
    وعشت ولازلت أعيش على هذا المبدأ
    وصارت الفلوس فعلا لاتعني لي شيئا
    عندي فلوس ماعندي فلوس النفسية وحدة
    اتعرضت لخسائر مادية فادحة ووالله ماحركت فيا شعرة
    لأني مؤمن أن هذا ابتلاء
    وكان الله دائما معايا
    اعرف واحد جحدوه أقاربه في 400 ألف
    مسكين جاته جلطة وتوفي من شدة الزعل
    طبعا إللي مارسه معايا أبويا يعرفوه جماعة علم النفس بسياسة الاشباع
    وكان ممكن يصنع مني مجرم أو حرامي أو بخيل
    ولكن بهذه السياسة قضى على حب المال وعبادته



  2. #10
    تربوي جديد الصورة الرمزية دكتور
    تاريخ التسجيل
    May 2008
    المشاركات
    25
    معدل تقييم المستوى
    0

    رد: تخيلوا سجلت في المنتدى عام 2009 ووصلت هنا عام 2019 :)

    رمضان قرب
    ولازم أشتري فرامة لحوم
    لأني تعبت من كثر ماأفرم عند الجزارين
    وماتدري نسبة النظافة عندهم
    الموهم
    جلست محتار ايش أفضل نوع
    وايش أفضل ماركة
    وايش أنسب شئ لعائلة صغيرة زي عائلتي
    وأنا طبعا مدمن شراء من موقع أمازون
    لكن المشكلة في موقع أمازون
    اذا طلبت بضاعة فإن قيمة شحنها تكون عالية
    وخصوصا لمن يكون المنتج وزنه كبير
    زي فرامة اللحم
    فلو فرضنا سعرها الف ريال
    فإن قيمة شحنها ممكن توصل إلى 300 ريال
    وهذا الكلام أقوله عن تجربة لأني أشتريت من أمازون أشياء كثييييييييييييييير
    ولكن عرفت معلومة جميلة أفادتني كثير
    وهي إن شركة أمازون قامت بشراء سوق دوت كوم
    يعني الان اذا ابغى مكينة فرم لحم
    أدخل سوق دوت كوم وأشتريها
    وخلال يومين وهي عندك
    وبدون رسوم توصيل
    ويقول لي زميل يتعامل مع سوق دوت كوم
    تعاملهم رااااااقي جدا
    يقللي مجرد اعترض على منتج اشتريته من عندهم فورا يحضروا لعنوانك وياخذوا منتجهم ويعطوك فلوسك كاااااملة
    هذا شجعني اني اتعامل معاهم
    والان حتكون مفرمة اللحم هي أول شئ حأشتريه من عندهم
    تخيل وانت جالس ومتكي
    وتدخل الموقع ويعرضلك انواع المكائن والشركات
    وفوق هذا تقدر تعرف اذا المنتج ممتاز والا لا
    عن طريق تقييم الزبائن
    فتلاقي اي منتج عبارة عن 5 نجوم
    فكل ماكان تقييم المنتج عالي يدل على انه كويس
    يصير تشتريه وانت مرتاح
    والان أنا جالس أفرفر في الموقع
    وغالبا حأشتري هذي المكينة
    ممكن تدخلوا هنا وتشوفوها وتشوفوا رأي الزباين فيها
    وللحديث بقية

  3. #11
    تربوي جديد الصورة الرمزية دكتور
    تاريخ التسجيل
    May 2008
    المشاركات
    25
    معدل تقييم المستوى
    0

    رد: تخيلوا سجلت في المنتدى عام 2009 ووصلت هنا عام 2019 :)

    المرة هذي بأتكلم عن موضوع يمكن يفيدكم في زيادة دخلكم
    فلوس كاش ماني ماني
    والموضوع هو عن التدريب
    فاكرين الوزير العيسى لمن اقر الدورات الصيفية للمعلمين
    يومها أصدر قرار إن المدرب يمنح الف ريال عن كل يوم تدريب
    ومن يومها والمعلمين حريصين على الالتحاق بسلك التدريب
    الكل يبغى يصير مدرب
    تخيل تعطي دورة اسبوعين
    ويعطوك عليها عشرة الاف ريال
    طيب ايش المطلوب منك انت يللي قاعد تقرأ هذي السطور
    اذا كنت معلم أو معلمة
    خليك قريب من حياض التدريب
    لأنهم كل فترة يعلنوا عن دورات وزارية
    ويرشحوا معلمين ليحصلوا على هذه الدورات
    فحاول انك انت تكون أحد المرشحين
    لأنك بعدها حتعطي الدورة لزملاءك
    وتسجل لك في التدريب على إنك مدرب
    ودورة على دورة حيزيد عدد ساعات التدريب عندك
    بعدها حيتم اعتمادك مدرب رسمي
    وبعدها حيتم الاستعانة بك لتقديم الدورات الصيفية
    والفلوس حترش عليك
    عشان كذا العملية يبغالها تخطيط
    أول شئ كون قريب من أصحاب القرار
    يعني حاول تاخذ دورات في مركز التدريب والابتعاث قد متقدر
    وطبعا الواسطات فوق كل شئ
    يعني لو عندك واسطة في التدريب
    فإنت كذا اختصرت المشوار وضمنت مركزك في التدريب حتى لو كنت من ذوي الاحتياجات الخاصة
    الكل شغال من تحت لتحت وسكيتي
    وانت ياغافل لك الله
    ضايع عمرك بين الأسياب وحصص الانتظار

  4. #12
    تربوي جديد الصورة الرمزية دكتور
    تاريخ التسجيل
    May 2008
    المشاركات
    25
    معدل تقييم المستوى
    0

    رد: تخيلوا سجلت في المنتدى عام 2009 ووصلت هنا عام 2019 :)

    قرأت احصائية قبل حوالي 8 شهور
    الاحصائية كانت عن عدد الحاصلين على دورة معلم خبير مايكروسوفت
    وإللي لفت نظري إن السعودية كانت تحتل المركز الخامس على مستوى الدول
    واللي لفت نظري اكثر ان عدد المعلمين والمعلمات السعوديين الحاصلين على الدورة كان تقريبا 250 واحد
    وسألت نفسي معقولة فقط 250 معلم فقط يجعلوا السعودية في مركز متقدم زي كذا
    وقررت إني أحصل على الدورة التدريبية
    المطلوب انك تدخل على موقع مايكروسوفت وتفتح ملف وتحط بياناتك وبعدها هم يراسلوك عبر ايميلك ويبلغوك ان كان تم قبولك في البرنامج أو لا
    والبرنامج يبدأ في شهر 5 افرنجي أو شهر 6 ماني متأكد
    وهو مرة وحدة في السنة
    وميزته اذا حصلت على الدورة حيصبح مستواك التقني عالي
    وحتصير قادر على انك تكون معلم مؤثر ومتفاعل مع طلابك وبعقلية متقدمة
    وأنا ماتكلمت عن الموضوع إلا من باب حب الخير للغير
    واللي يبغى تفاصيل أكثر يدخل على هذا الرابط
    وفالكم التوفيق يامميزات ويامميزين
    https://education.microsoft.com/micr...ams/mie-expert

  5. #13
    تربوي جديد الصورة الرمزية دكتور
    تاريخ التسجيل
    May 2008
    المشاركات
    25
    معدل تقييم المستوى
    0

    رد: تخيلوا سجلت في المنتدى عام 2009 ووصلت هنا عام 2019 :)

    يقولوا بكرا رمضان
    وكل مرة يقبل فيها رمضان أتذكر حادثة وقعت لي في نهار رمضان
    والحادثة هذي علمتني الكثير
    السالفة ومافيها واللي أتذكره إني تزوجت قبل رمضان بأسابيع
    وكانت هذي أكبر غلطة سويتها في حياتي
    إني أتزوج قبل دخول شهر رمضان
    والسبب إن الواحد يكون محروم لسنواااااات
    ووبعد جهد جهيد يدخل الجنة ويذوق نعيمها
    وفجأة مطلوب منه انه يمتنع عن النعيم والملذات خلال نهار رمضان
    وهذا الشئ إللي رسبت فيه
    وماتداركت نفسي إلا بعد وقوع الكارثة
    ياولد انت ايش سويت
    كيف تنتهك حرمة رمضان
    وجلست أسأل
    ياترى ايش العقوبة
    وجاني الجواب فورا
    صوم شهرين متتاليين
    وفعلا صمت شهرين متتاليين
    60 يوم
    يوم ينطح يوم
    وكانت أصعب أيام مرت عليا في حياتي
    الناس تفطر وتتغدى وأنا ممنووووووووع
    وأنتهت الستين يوم وأنا أتغيرت فيا أشياء
    فعلا شرع الله يربي المستهترين
    أصبحت أكثر حرص وأناة
    والحمد لله على كل حال
    وكل عام وانتم طيبين

  6. #14
    تربوي جديد الصورة الرمزية دكتور
    تاريخ التسجيل
    May 2008
    المشاركات
    25
    معدل تقييم المستوى
    0

    رد: تخيلوا سجلت في المنتدى عام 2009 ووصلت هنا عام 2019 :)

    انا مش عارفني
    انا تهت مني
    انا مش انا
    لا دي ملامحي

    ولاشكل شكلي ولاده انا
    انا مش عارفني انا تهت مني انا مش انا
    تعبت من المفجاه ونزلت دمعتي
    قوليلى ايه يامرايتى
    قوليلى ايه حكايتى

    ***

    أكتب هذي السطور بدموعي
    لأتي كنت أتنقل في المنتدى
    وفجأة شفت إللي ماهو على البال
    أنا طلع عندي معرف قدييييم في هذا المنتدى
    من عام 2008
    ولي مشاركات ومواضيع كثيييييييير
    بس والله ماني مستوعب
    جلست أتنقل مابين مواضيعي
    وكل ماأقرأ موضوع ألاقي الدمعة تطيح من عيني
    أنا حأحاول إني أدخل بمعرفي القديم
    ولي عودة إن شاء الله

  7. #15
    تربوي جديد الصورة الرمزية دكتور
    تاريخ التسجيل
    May 2008
    المشاركات
    25
    معدل تقييم المستوى
    0

    رد: تخيلوا سجلت في المنتدى عام 2009 ووصلت هنا عام 2019 :)

    حاولت أدخل بمعرفي القديم
    حاولت أستعيد كلمة المرور
    لكن للأسف بائت محاولاتي بالفشل
    لكن أنا معروف إني ماأيأس
    ولازالت المحاولات جارية

  8. #16
    تربوي جديد الصورة الرمزية دكتور
    تاريخ التسجيل
    May 2008
    المشاركات
    25
    معدل تقييم المستوى
    0

    رد: تخيلوا سجلت في المنتدى عام 2009 ووصلت هنا عام 2019 :)

    الآن بدأت أستوعب إللي صاير
    هذا المنتدى كان اسم عنوانه مدير دوت كوم
    وتم تغييره إلى ksa -teachers.com
    طبعا هذا عمل لخبطة في كثير من جوانب المنتدى ومنها سالفة استعادة الباسوورد
    مالكم بطول السالفة
    لكن أنا قررت إني أستمر بمعرفي هذا
    وفي نفس الوقت حأستمر في محاولة استعادة حسابي القديم
    ولعله خير

صفحة 2 من 3 الأولىالأولى 123 الأخيرةالأخيرة

معلومات الموضوع

الأعضاء الذين يشاهدون هذا الموضوع

الذين يشاهدون الموضوع الآن: 1 (0 من الأعضاء و 1 زائر)

المواضيع المتشابهه

  1. تعدلت الدرجة ونزلت الفروقات
    بواسطة الدر ة المكنونة في المنتدى منتدى حقوق المعلم والمعلمة
    مشاركات: 0
    آخر مشاركة: 28-05-2011, 17:27
  2. سبق ونزلت وظايف ماحد يرد على
    بواسطة سحابةخير في المنتدى منتدى خريجات معاهد المعلمات
    مشاركات: 29
    آخر مشاركة: 05-02-2010, 02:07
  3. لست معلمه..لكن سجلت في المنتدى لاستفسر هذا الاستفسار..وكلي ثقه ان اجد الاجابه لديكم
    بواسطة صاحبة المعالي99 في المنتدى منتدى الدراسات العليا والإيفاد الداخلي
    مشاركات: 9
    آخر مشاركة: 11-06-2009, 00:10
  4. عيب ووصمة عار لن ينساها حتى الصغار ...((صور))
    بواسطة صقر العبدالله في المنتدى الساحة العامة
    مشاركات: 18
    آخر مشاركة: 06-03-2008, 13:11
  5. الف مبروك المنتدى ولعيونكم سجلت الله يوفقكم جميع !!
    بواسطة زمان في المنتدى رياض الإخاء والمودة
    مشاركات: 7
    آخر مشاركة: 03-02-2008, 04:07

ضوابط المشاركة

  • لا تستطيع إضافة مواضيع جديدة
  • لا تستطيع الرد على المواضيع
  • لا تستطيع إرفاق ملفات
  • لا تستطيع تعديل مشاركاتك
  •