تعال عندي ابيك بسالفه قرّب
بعلمك وش يسر القلب و يضرّه
الحب تدري و شنهو اسآل مجرّب
الحب قهوة بدوى حلوه و هي مرّه
اتبع حبيبك بحبّه شرّق و غرّب
قلوب الاحباب مملوكه و هي حرّه
ان خرّب الكون خلّك مثله و خرّب
حلاوة الحب مَرّه و العُمُر مَرّه
و ان هاجر الدار و عاش العمر متغرّب
خاوه لوانه يحدّ الموت و يجرّه
مدام قلبك بعشقه سنين متشرّب
و شلون تتركه بين الضيق و الحَرّه
و ان قال وش رجعّك لا تبتعد قرّب
و قلـّه كلام القلوب في بيت يسرّه
الحب لازم يردّك و اسآل مجرّب
الحب قهوة بدوى حلوه و هي مرّه
لــ ثامر بن شبيب