سلام لك يادار من حد الوطن


تسليمة حيه من أرض المعركه


تسليمة  تحرق قلوب اهل الفتن 

من طيبها واللي نوانا تهلكه


تنصا زعيم المسلمين بها الزمن 


القايد  الحازم مليك المملكه


اللي ليامن سود الايام احلكن


وتكالبت كل الخصوم مشركه


جرد لهم سيف النوازل والمحن

والقى بخصمه في صميم التهلكه


حنا نهلنا من مدارسنا زمن


إن الوطن يستاهل اللي نملكه


وماهاجم التعليم ياكود العفن

 اللي هجا روادنا  بالفبركه


ترى مقابيس الدجى يلي فطن 

من يبتليهم جعل ربي يهلكه


اللي لهم في كل خانات الوطن 

طالب يمثلهم بدرب يسلكه


وترى المعلم بالغلا ماله ثمن

خلك من اهل البهرجه والشكشكه


قالوا لنا  ترب البلاد اغلى كفن

 آخير وأحذر موطنك لاتتركه