أكتبـــ / ي بيت شعراً فالشعر مشاعر الإنسان !

[ريانه العود]

غاية مرادي وراس مالي رضاها
أغلى بشر بعد النبي سيد الناس
تسعة شهور ومجلسي في حشاها
والدم منها يمدني بعطر الأنفاس
يـالله يـاللــي عالــمٍ في دواهــا
أطلب تشافيها عن الهم والباس


،،

[الحلم المستحيل]

:

تعب وارتباك وخاطر احلامنا مقهور
تعب .. والدروب استنزفتنا خطاوينا

خذتنا البحور الزرق في صدرها المغرور
وتهنا بدون ندل ساحل .. ولا مينا

نوارس نمر الوقت , والموعد المهجور
ونحلم حنين .. وتذبل احلامنا فينا

حزينة جوارحنا من الدمع للحنجور
حزينة .. واشد من الحزن برد اسامينا

[ريانه العود]

الطـيب وآضح في وجـيه آلمـطآليق
آللي عـن الـزلآت تكـرم الحـآهـا
والمرجله هضبه مثل هضبة آطـويق
سلم عـلى اللي لا رقـاهـا رقـآهـا

[ريانه العود]

لآتستفز الخفوق ...وتنظم حروفك
وانته بحبل الوصل ...ترخيه وتشده


قدر ظروفي.... وانا أبقدر ظروفك
والكل منااا يحفظ ... الود في سده

[درع الحجاز]

والله أني ماسهرت إلا على شان الحبيبه // والحبيبه مادرت عن خاطري والي جرالي

درع

[درع الحجاز]

من يملك المفتاح ؟!
أنا على بعضي خجول !
وأنتي على بعضك بتول !
أنا انتظر كفك !
وأنا أعتقد شفك !
ونا جنووون !
مدري من الطيبه حنون !
مدري احس أني ابيك !
وحيان مدري ليه أبيك !
وحيان أشوفك فاتني المفتون !
مدي يديك !
ولا افتحيلي باب !
وشلون أجيك ؟!
ياحلمي الي طال
انا انتظرت أجيال !
وأنتي حروفك غرقتني بالخيال !
قبل لا روح الــ غربتي
مدي يديك !

درع

[ريانه العود]

فكري شتات .. ونظرتي تحكي الجرح
وقلبي حزين .. ومظهري مثل ما كان

فترة .. يعيش الصبر .. بالجمع والطرح
وفترة .. على صدر الورق .. ما له ألوان

وآخر بقايا الحرف.. في موجز الشرح
كـني .. سراب الحزن .. في هيئة إنسان

،،

[ريانه العود]

على كف القدر نمشي ولا ندري عن المكتوب
عبارة كنت أرددها صدق من صاغ معناها

مشينا دون لا ندري وشربـنا من بـلاهـا كـوب
وهـذي حال الـدنـيـا رمـتـنـا مـا رمـيـنـاهـا

تضحكنا تبكـيـنـا تـمـشـيـنـا على المـطـلوب
على كف القـدر نـمـشـي دروب ما رميناها

من الكاسب من الخاسر من الفايز من المغلوب
مع الأيام تـحـصـدنـا وحـنـا ما حصـدنـاهـا

وأنا واحد من الآلاف أعيش بعالمي مرعوب
أحس الأرض مهزوزة من أدناها لا أقصاها

نظرت الناس من حولي وكم بالناس هو منكوب
حوادث هزه الوجـدان أجـل بالعـيـن شفناها

ألا يا عـمـري الفاني ألا يا حـقـي الـمـسـلـوب
متى عـيـنـي بليل الياس لـذيـذ النوم يهـنـاها

متى يحـالفـنـي الحظ ويصحح وضعـي المـقـلـوب
يعـدل قسـوة الأيام وغلطة ما ارتـكـبـنـاهـا


،،