تسلمين يازهور ع التعميم لله يجزاك الف خير بس عندي ملاحظه على الفقرة اللي تقول
6- القيام بأي أعمال اخرى تسندها لها مديرة المدرسة او من ينوب عنها
اتوقع ان هالنقطه راح تكون مدخل لهم علينا علشان يعطونا المهام اللي هم يبغونها وراح تجادل المساعده وراح تقول ماعندك دليل ان المهام الاخرى اللي لازم نقوم بها مهام كاتبه ،،،
وبعدين يازهور أبغى أسألك عن كم نقطه مهمه وهى:
1 ـ متابعة دخول المعلمات الحصص الأساسيه والإحتياط هل من مهامي كمراقبه لأني رفضت وقالت هذه من مهام المراقبه علما بأني في المدرسه القديمه ماكانت هذه من مهامي كمراقبه(اتوقع عمل المساعده) ولا أش رأيك ؟؟؟
2 ــ متابعة نظافة المستخدمه (نظافة الدور )
3 ــ إستئذان الطالبات أثناء الدوام
4 ــ متابعة الطالبات المتاخرات صباحا
5 ــ مناوبة الفسحه تخيلي يوميا أنا والمراقبه اللي معي ،،
بحكم ان المساعده الأخرى منتدبه وممنوع المنتدبه تاخذ مناوبه ،، ومدخلة البيانات أيضا عندنا منتدبه وماعندها مناوبه ،، والاداريه الثالثه اللي معانا أعطتها البيع في المقصف لأن إحنا ثلاث إداريات فقط
يليت ياقلبي تعليقك الحلو اللي مانستغنى عنه مع العلم ، هذه أعمالي بالإضافه الى أعمال المراقبه بكل مافيها من سجلا ت
و إتصال ع أولياء الأمور و . .و . . الخ
وياليت تكتبين عند كل نقطه مهام كاتبه او مراقبه ولا عليك أمر
والله كرهت هالمدرسه وأكره صوت المنبه في الصبح كأبه فضيعه الله يعين ويصبرني ع الوضع الصعب .
وتحياتي لك ياكل الغلا الله يوفقك ويجزاك الف خير .