قصيدة على لسان نسيبي خالد الدوسري
بسبب تبرعه بجزء من كبده للطفل عبد العزيز الراجحي
سمعت الخبر أن الأخو يطلب اخوانه *** ينادي ولدكم ينتظر وقفة احساني
وقمت اتخيل صورته يلبس احزانه *** يلملم بقايا لعبته بين الاحضان
وقمت اتفكر داخل النفس في شانه *** وش المشكلة إني أجي قدر الامكاني
وقبل اتقدم زارني ابليسواعوانه *** وقال انتبه بانصحك ترجع على شاني
ترى المسأله تشبه جبل ثار بركانه *** تراك بتألم بعدها الجسم مرضاني
تعوذت من فكره , وطفيت نيرانه *** وسميت باسم الله ولو جهزوا اكفاني
وتكفي سعادة والدينه وعمانه *** وحتى خوالههكذا الدين رباني
يدعُّون لي في الليل أهله وجيرانه *** وحتى هلي شدو من العزم بنياني
وعبد العزيز ليا تأملت أجفانه *** براءة طفوله يشبه الورد واغصاني
تطفي جروحي بسمته وام فرحانه *** يخف الألم من بعدها كل ما جاني
أنا وش أبي من دنيتي غير رضوانه *** أبي أكسب الأجرين أجره والاحساني
أنا ادعوك ربي حط لي في جنتك خانه *** وتغفر ذنوبي كل ما ابليس نساني
كتبه
بدر راشد آل دخنان الدوسري
29 / 6 / 1433 هـ