تكفون يا معلمي بيشة الكرام

[abduh36]

السلام عليكم وبعد
اخواني انا معلم منقول لبيشة قطاع بيشة و انا من القنفذة ابغى اسأل كم المسافة بين بيشة والباحة ؟
وايش اقرب مع الباحة واو مع خميس مشيط وكم المسافة بينها وبين الخميس ؟
وش احسن قطاعاتها ؟ وهل فيها طرق صحراوية ؟ ابغى منكم الله لا يهينكم معلومات مفصلة والله لا ادعي للشخص اللي يرد علي ارجووووووووووووووووووووووووووكم

[معلم الثاني]

اهل وسهلاً بك اخي في بيشة الفيحاء وحسب معلوماتي
ان الباحه تبعد عن بيشة 200كم
والخميس يبعد عن بيشة220كم
ومادمت في بيشة بيشة

فقطاعاتها هي: قطاع ترج والمركز واعلى بيشة واسفل بيشة وافضل قطاعاتها المركز ثم اعلى بيشة
وان شاء الله تجد بيشة كما كنت تؤمل
وبالنسبة للطرق فالغالبية العظمى منها معبده والصحراوية قليلة جداً

[صدى الملاعب1]

ههههههه ....... فستذكر مااقول ..... بيشه مافيها عيشه ....... مع احترامي الشديد ....

نصيحتي لك ... سو عدول وبتدعيلي ........ 100% يحطونك في نائيه .........
والله يعينك على مصيبتك....
تبعد عن الباحه 350 كم .
.... وخميس مشيط 250 كم .
ولاتفكر تجي بنفس بيشه ......... لان فيها كلية واي مكان فيه كليه صعب عليك
تدخل مركزها .............. وبعدين هذا الخط المختصر لبيشه من الباحه حوادثه بالهبل
وكذلك الخميس .... اذا انت مرتاح في المكان اللي انت فيه فارتاح ولاتطلب بيشه
مره ثانيه ... (بس مشكلتك مابينت تخصصك ولا بينت سنوات الخدمه)..

[أبو ألين]

الله يعينك بس وش رماك في بيشة ( امزح معاك )

على العموم بيشة صحراوية وتطورت كثيرا واهل بيشة جيدين

ولا تبعد كثيرا عن الباحة واللي اعرفه ان بيشة تبعد عن الخميس حوالي 350 كيلوا تقريباً

واذا وصلت الخميس دحدر للقنفذة او من بيشة عن طرق الباحة (مثل ما قال حبيبنا اللي ما قصر)
تبعد الباحة حوالي 200 كيلوا واعتقد ان هناك طريق مختصر من والله نسيت اسم المكان لكن اسأل عنه يودي للباحة طوله يمكن 60 كيلوا

[السنافي2008]

اهلاً وسهلاً انا في بيشة من ثلاث سنوات وأنا من أهل الباحة وتبعد 200 كم
وصدقني راح ترتاح في بيشة اهلها كرام وطبيعتها جميلة وجوها أجمل وإارة التعليم منصفة ومتواضعة
فأحمد الله

[الدرديري الصامل]

تأكد انها بيشة بيشة لانها حلوة
لان لو جاتك بيشة تثليث والله تتعب وبقوة

[الهبابي]

المشاركة الأصلية كتبت بواسطة صدى الملاعب1

ههههههه ....... فستذكر مااقول ..... بيشه مافيها عيشه ....... مع احترامي الشديد ....

نصيحتي لك ... سو عدول وبتدعيلي ........ 100% يحطونك في نائيه .........
والله يعينك على مصيبتك....
تبعد عن الباحه 350 كم .
.... وخميس مشيط 250 كم .
ولاتفكر تجي بنفس بيشه ......... لان فيها كلية واي مكان فيه كليه صعب عليك
تدخل مركزها .............. وبعدين هذا الخط المختصر لبيشه من الباحه حوادثه بالهبل
وكذلك الخميس .... اذا انت مرتاح في المكان اللي انت فيه فارتاح ولاتطلب بيشه
مره ثانيه ... (بس مشكلتك مابينت تخصصك ولا بينت سنوات الخدمه)..

أخي الفاضل :- (المؤمن الناصح لابد ان ينصح على بصيرة وعلم ولا يغش الناس بكلام وهو غير متأكد منه فالمستشار مؤتمن)
هذه نصيحة حبيت اقولها لك حتى تتثبت من قولك مرة اخرى عسى ربي يهديك

[القلب الجامد]

للفائدة انشاء الله

في طريق مختصر من بيشة الى الباحة

تطلع من بيشة الين توصل مفرق الثنيه 30 كيلو تقريبا تفرق معه تمر بقرية الجعبه تكمل خطك الين ماتوصل
مفرق جرب المسافة حوالي 70 كيلو تفرق معه يسار وتمشي الين ماتوصل العقيق ومن العقيق تطلع على الباحة المسافة حوالي 50 كيلو
بالنسبة كم الوقت اللي تستغرقة من بيشة الى الباحة مع هذا الطريق حوالي ( ساعة ونصف او ساعتين) حسب السرعة .
ملحوضة الطريق هذا خطير وضيق ولفات كثيرة ينصح بالسفر في وقت النهار لان في الليل خطير ومليان بالابل


اتمنى الفائدة وشكرا